ПОКРОВСКИЙ ХРАМ с. Коростово - Молитва перед операцией
Выделенная опечатка:
Сообщить Отмена
Закрыть
Наверх
Рязанское Восточное благочиние Рязанская епархия РПЦ (Московский Патриархат)
По благословению Митрополита Рязанского и Михайловского Павла
  • Объявления
  • 09 Февраль 2012
    Уважаемый посетитель! На этой страничке - икона святого, его же ныне праздник, а так же евангельские чтения на сей день.
Православие.Ru
Православная библиотека

Молитва перед операцией

 

Молитва

перед хирургическим действием

 

 

Владыко Вседержителю, Святый Царю, наказуяй и не умерщвляяй, утверждаяй низпадающия, и возводяй низверженныя, телесныя человеков скорби исправляяй, молимся Тебе, Боже наш, раба Твоего (имя) немощствующа посети милостию Твоею, прости ему (ей) всякое согрешение вольное и невольное.

Ей, Господи, врачебную Твою силу с Небесе низпосли еже управити ум и руку раба Твоего лекаря (имя врача) да нуждную хирургию сотворит благополучно, яко телесному недугу больнаго раба Твоего (имя) совершенно исцелитися, и всякому нашествию неприязненному далеко отгнану быти от него.

Воздвигни его от одра болезненного и даруй его здрава душею и телом Церкви Твоей благоугождающа.

Ты бо еси Бог милостивый и Тебе славу возсылаем Отцу, и Сыну, и Святому Духу, ныне и присно, и во веки веков. Аминь.

 

О болящих

Тропарь, глас 4-й

Скорый в заступлении един сый, Христе, скорое свыше покажи по­сещение страждущему рабу Твоему, и избави от недуг и горьких болез­ней; и воздвигни во еже пети Тя и славити непрестанно, молитвами Бо­городицы, Едине Человеколюбче.

 

Тропарь, глас 4-й

Призри милостивно, Господи, милосердным Твоим оком на смиренное наше моление. И не презрев его, человеколюбно посети болезнию одержимаго раба Твоего (или болезнию одержимую рабу Твою) и силою Твоего блаосердия воздвигни его молитвами Богородицы, едине Человеколюбче.

 

Кондак, глас 2-й

На одре болезни лежащаго и смер­тною раною уязвленнаго, якоже ино­гда воздвигл еси, Спасе, Петрову те­щу и разслабленнаго на одре носимаго; сице и ныне, Милосерде, страждущаго посети и исцели: Ты бо един еси недуги и болезни рода нашего понесый и вся могий, яко Многоми­лостив.

 

Молитва

Владыко, Вседержителю, Святый Царю, наказуяй и не умерщвляяй, ут­верждаяй низпадающия и возводяй низверженныя, телесныя человеков скорби исправляяй, молимся Тебе, Бо­же наш, раба Твоего (имя) немощствующа посети милостию Твоею, про­сти ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, ук­роти страсть и всякую немощь тая­щуюся, буди врач раба Твоего (имя), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ны­не и присно и во веки веков.

Аминь.

Молитва

пред иконою «Всецарица» («Пантанасса»)

 

Всеблагая, досточудная Богороди­це, Пантанасса, Всецарице! Несмь до­стоин да внидеши под кров мой! Но яко милостиваго Бога любоблагоутробная Мати, рцы слово, да исцелит­ся душа моя и укрепится немощству­ющее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси, Ты за мя умоли. Да прослав­ляю преславное имя Твое всегда, ны­не и в безконечныя веки. Аминь.

 

Радуйся, Всецарице,

недуги наша благодатию исцеляющая


Назад к списку